Christian í Grótinum má bíða til týsmorgunin eftir landingartørni

 Christian í Grótinum kemur á Klaksvík í kvøld fullfermdur av svartkjafti - uml. 2.000 tons. Christian í Grótinum sleppir ikki framat at landa í Fuglafirði fyrrenn týsmorgunin.

Vit tosaðu umborð fyri løtu síðan. Svartkjafturin er nú komin langt inn í føroyskan sjógv, teir royndu hendan túrin á Munkagrunninum. Tað er nógvur svartkjaftur at síggja og støddirnar eru ymiskar t.v.s. at nógvir árgangir eru til - so tað sær gott út, hildu teir umborð á Christian í Grótinum.