Christian í Grótinum landar á Eskifirði

 Christian í Grótinum landar í dag 2.000 tons til Eskja á Eskifirði.

Virkini á Eysturlandinum og Vestmannaoyggjunum fáa nógvan svartkjaft, sum verður fiskaður í føroyskum sjógvi. Imframt Christian í Grótinum, so er Finnur Fríði ávegis til Fáskrúðsfirðin við 2.500 tonsum, harafturat eru 4 íslendsk skip í dag ávegis til Ísland - fullfermd av svartkjafti.