Brendelen og Father McKee landa sild í Fuglafirði

 Írsku skipini Brendelen og Father McKee, sum plaga at landa havgølt til Havsbrún, landa í dag sild til Pelagos, teir hava tilsamans 700 tons av sild. 

Írsku skipini verða liðug at landa á middegi í morgin, tá rokna teir við, at Christian í Grótinum, sum hevur verið afturhildin í Hetlandi, er komin á Fuglafjørð, har teir skulu landa tey 300 tonsini av makreli, teir hava í tangunum. Christian í Grótinum hevur eisini 600 tons av heilfrystum makreli, sum teir skulu landa í Ánunum.