2021-02-14 14:36 
Jóanis Nielsen
Jóanis Nielsen
Ungi hálvi sørvingurin hevur vant við 07 Vestur í eina tíð, og undirskrivaði sáttmála í vikuni. 21-ára gamli miðvallarin flytir sostatt frá Tårnby til 07 Vestur.
Albert Theis Nielsen, sum hevur røtur í Sørvági, hevur roynt seg í fleiri feløgum á keypmannahavnar-leiðini seinastu árini, har hann hevur fingið nakrar dystir í donsku 2. deild, umframt hjá EB/Streymi. Seinastu tíðina hevur hann so megna at sannført Heðin Askham um, at hann hevur nakað at bjóða okkum.
Albert spælir, sum skilst, helst á offensivu plássunum, á miðjuni, ella í álopinum. Hann fekk eisini ein hálvleik í venjingardystinum móti ÍF í gjár, sum endaði 1-1, eftir at Erling Myklebust javnaði uppá brotsspark.
Vit ynskja Albert vælkomnum í felagið og blíðan byrð!
Kelda og mynd: 07Vestur
Vinarliga broyt tínar kennifíla - og privatlívsstillingar fyri at síggja hetta innihald