33 útlendsk svartkjaftaskip í føroyskum sjógvi

 Í kvøld eru 33 útlendsk svartkjaftaskip í føroyskum sjógvi. Tey flestu eru á feltinum sunnast í føroyskum sjógvi, heilt suður ímóti ES-markinum, men øll eru ikki har, summi eru ávegis suður og 4 eru í havn í Føroyum, har fiskurin verður umskipaður.

Frá gulllaksaskipunum verður sagt, at tað er ikki roynandi sunnast í føroyskum sjógvi fyri stóru svartkjaftaskipunum.

Tey 33 skipini eru: 20 russisk, 10 íslendsk, 2 norsk og 1 grønlendskt skip.