07 Vestur tapti 3-1 ímóti ÍF

Betri-deildin menn: 07 Vestur var í dag á vitjan hjá ÍF í Fuglafirði.

Longu eftir 6. minuttir kom ÍF á odda 1-0. ÍF fekk brotsspark, og tók Steinbjørn Olsen sær av tí. Silas Eyðsteinsson í 07 Vestur málinum bjargaði brotssparkinum. Filip Djordejevic var skjótasti maður á returinum, og fekk hann lagt ÍF á odda 1-0, sum eisini var hálvleiksstøðan.

Farligi maðurin í ÍF álopinum Uros Stojanov økti um leiðsluna til 2-0 tá ið 66. min. vóru leiktir. Uros hevur nú fingið fýra mál hetta kappingarári.

Erling Myklebust minkaði um munin fyri 07 Vestur tá ið eitt korter var eftir at spæla. 

Filip Djordjevic staðfesti sigurin fyri ÍF tá ið 83. min. vóru leiktir. Við sigrinum er ÍF oddalið í Betri-deildini hjá monnum.

Onnur úrslit hetta umfari:

Víkingur 2-1 HB

TB 0-5 KÍ

NSÍ 3-0 EB/Streymur

B36 0-0 B68