Atgongumerki til Føroyar - Eysturríki

 HSF.

EM-undankappingin hjá A-landsliðnum við monnum byrjar í oktober og atgongumerki til fyrsta heimadystin eru nú til sølu.
Føroyar hitta Eysturríki í Høllini á Hálsi sunnudagin tann 16. oktober.

Fyrsti dystur í undankappingini er á útivølli móti Ukraina fýra dagar frammanundan, tann 12. oktober. Orsakað av ófriðinum í Ukraina, verður tann dysturin spældur í Aschaffenburg í Týsklandi.

Føroyar eru í bólki við Eysturríki, Ukraina og Rumenia.

Atgongumerki til Føroyar – Eysturríki kunnu keypast á atgongumerki.fo.

Skundið tykkum! Til seinasta landsdystin í vár, vórðu øll atgongumerki útseld.