Ítróttur

Asbjørn Heðinsson gjørt sáttmála við 07 Vestur

Eftir drúgva fráveru vegna skaða var Asbjørn Heðinsson aftur at síggja á vøllinum í Havn móti B36. Hóast hann enn er nakað darvaður av skaðanum, hevur hann undirskrivað sáttmála, og er tøkur hjá Schjønberg.

Asbjørn kom á vøllin ímóti B36 seinasta vikuskiftið. Tað var hansara fyrsti dystur á besta liðnum hjá 07 Vestur síðani 14. juni í 2021.

Asbjørn kom á vøllin ímóti B36 seinasta vikuskiftið. Tað var hansara fyrsti dystur á besta liðnum hjá 07 Vestur síðani 14. juni í 2021.

2022-05-13 17:29 Author image
Jóanis Albert Nielsen
placeholder

07 Vestur: 21-ára gamli sandavágsmaðurin fekk sínar fyrstu dystir í Betri Deildini longu í 2017, sum bert 16-ára gamal. Sama árið spældi hann nærum fast á liðinum. Sum oftast spælir Asbjørn mitt á miðjuni ella sum høgri bakkur, men hevur eisini spælt aðrastaðni á vøllinum.

Asbjørn er uppvaksin hjá okkum, men royndi seg í 2019 eitt hálvt ár hjá B36 og í 2020 spældi hann við AB, sum tá vóru í Betri Deildini. Íalt hevur hann leikt 74 dystir í Betri Deildini, umframt nógvar dystir í 1. deild. Asbjørn var eisini á sera sterka U17-landsliðinum, sum í 2017 spældi EM-endaspælið.

Vit gleðast um at Asbjørn aftur er at síggja á vøllinum, og vóna at skaðin ikki órógvar ov illa.

Vinarliga broyt tínar kennifíla - og privatlívsstillingar fyri at síggja hetta innihald

placeholder