![placeholder](https://jn.fo/css/img/banner2x1.png)
FSF: Kvinnulandsliðið fyrireikar seg í hesum døgum til EM-undankappingardystirnar móti Andorra og Grikkalandi, sum vera á Tórsvølli fríggjadagin 31. mai, og týsdagin 4. juni. Báðar dagarnar er avspark klokkan 16:45.
Ein av teimum, ið myndar føroyska hópin hesaferð, er Petra Sigvør Snedker Hoydal. Hon hevur fingið sín fótbóltsuppvøkstur í Danmark, men mamman er føroysk, og nú er 19 ára gamla gentan, við ættarbondum úr Hoyvík, partur av føroyska A-landsliðnum.
Petra Hoydal er tó ikki heilt ókend í føroyskum landsliðshøpi. Í fjør spældi hon tríggjar dystir fyri U19-landsliðið, og fyrr í ár komu tveir dystir afturat á loggin, tá U19-genturnar vóru til EM-undankapping í Turkalandi.
Men hvør er Petra Hoydal sum fótbóltsspælari? Undan venjingini á Tórsvølli týsdagin fekk FSF varpið orðið á Petru, og sum vera man gleðir hon seg til komandi landsliðsuppgávur, og vónar at fáa sínar fyrstu A-landsliðsminuttir fyri Føroyar.
Vinarliga broyt tínar kennifíla - og privatlívsstillingar fyri at síggja hetta innihald