Vindurin tók ein buss hjá bygdaleiðum

Tað hevur verið nógvur vindur í nátt, og nakað áðrenn klokkan fimm í morgun fekk løgreglan eina fráboðan um, at ein bussur hjá bygdaleiðum var tikin av vindinum, og koppaður útav vegnum. Hetta hendi í Kollfjarðardali.

Sagt verður av løgreglustøðini, at tað var so nógvur vindur, at løgreglufólkini høvdu torført at arbeiða á staðnum í morgun. 

Bussurin hevur fingið skaða, og førarin er koyrdur á Landssjúkrahúsið til kanningar.

Bussurin var á veg suður til Havnar at byrja rutukoyring.