Vilt tú hoyra, hvussu Føroyar kunnu gagnnýta rúmdina

Hetta fært tú høvi til mánadagin 23. september kl. 14-17, tá ið Føroya Tele skipar fyri tiltaki í høvuðssætinum í Hoyvík. Á skránni eru fyrilestrar, har ið Andreas Mogensen, ESA-astronautur, Per Lundahl Thomsen, høvuðsráðgevi á DTU Space, og David Arge Klevang, lektari á DTU Space, kasta ljós á framtíðarmøguleikarnar, sum Føroyar og Arktis hava í rúmdini.

Per Lundahl Thomsen fer at tosa um týdningin, sum fylgisveinar og fylgisveinadátur hava bæði í nútíðarsamfelagnum og í framtíðini, og David Arge Klevang fer at tosa um týdningin, sum rúmdin kann hava fyri infraskipan, samskifti og vinnumøguleikar í Føroyum og Arktis.

At enda fer Andreas Mogensen at greiða frá royndum, rúmdarferðum og seinastu Huginn-ferðini, sum vardi í seks mánaðir. Hann fer eisini at tosa um tøkni og infraskipan, sum gera tað møguligt at gagnnýta rúmdina til frama fyri innovatión og burðardyggari menning.

Her er skráin:

14:05 – 14:10 | Vælkomin v/Kristian Reinert Davidsen, samtaksstjóra í Føroya Tele 

Kristian Reinert Davidsen bjóðar vælkomin og kastar ljós á evnið, sum er á skránni.  

14:10 – 14:25 | Fylgisveinar og infraskipan í rúmdini v/Per Lundahl Thomsen, høvuðsráðgeva í DTU Space

Per Lundahl Thomsen tosar um avgerandi týdningin, sum fylgisveinar og fylgisveinadátur hava bæði í nútíðarsamfelagnum og í framtíðini.

14:25 – 14:40 | Leikluturin hjá fylgisveinum í Norðuratlantshavinum og Arktis v/David Arge Klevang, lektara í DTU Space 

David Arge Klevang tosar um týdningin, sum rúmdin kann hava fyri infraskipan, samskifti og vinnumøguleikar í Føroyum og Arktis, og hvussu hetta kann verða til fyrimunar fyri samfelag, vinnulív og stovnar.

14.40 – 15.00 | Steðgur 

15:00 – 15:45 | Royndir og sjónarmið úr rúmdini v/Andreas Mogensen, ESA-astronauti

Andreas Mogensen greiðir frá royndum, rúmdarferðum og seinastu Huginn-ferðini, sum vardi í seks mánaðir. Hann fer eisini at tosa um tøkni og infraskipan, sum gera tað møguligt at gagnnýta rúmdina til frama fyri innovatión og burðardyggari menning. 

15.45-17.00 | Móttøka og netverkan 

Vinarliga
Føroya Tele