Uppstillingarskriv: Rósa Tyril Gaardlykke, Miðflokkurin

Eg trúgvi, at tað er sunt fyri menniskju at hava frælsi at skipa sítt egna lív sum teimum tykir best – tí ynski eg at landið blandar seg sum minst upp í gerandisdagin hjá borgarunum, og ikki skattar inntøkur teirra meira enn hægst neyðugt.

Eg ætli ítøkiliga m.a. at virka fyri:

– Einari smidligari barsilsskipan, har tað m.a. ber til at brúka part av barsilsvikunum til at arbeiða niðursetta tíð fyrstu árini hjá barninum.

– At ansingarpengarnir fylgja barninum.

– At pensjónistar kunnu arbeiða meira uttan at missa av fólkapensjónini.

– Fíggjarligum skynsemi í fíggjarlóg og almennum tænastum.

– At almennar tænastur arbeiða betur saman tvørturum geirar.

– Einari sterkari og burðardyggari fiskivinnu.

– At menna eitt viðgerðartilboð til tey, sum bæði eru sálarliga sjúk og hava eina rúsevnismisnýtslu.

– Nýskipan av barnaverndartænastuni og fosturforeldraskipanini, so at útsett børn og teirra familjur vera loftaði so væl sum gjørligt.

Rósa Tyril Gaardlykke

Valevni fyri Miðflokkin