Jóanis Albert Nielsen
Eftirmetingin av tiltakinum í fjør staðfesti, at Undurfagri mai verður eitt afturvendandi tiltak, har vit í felag seta sjóneykuna á tað, sum eyðkennir okkum og tað, sum kann geva okkum nýggj sjónarmið, sambond og upplivingar sum menniskju.
Í hesum mánaðinum kunnu vit gleða okkum til at uppliva alt frá tónleiki, filmi og dansi til fyrilestrar, sølutorg og náttúruupplivingar í allari kommununi.
Næstu dagarnar verður ein skrá borin í hvørt hús í kommununi, har tiltøkini eru settu upp viku fyri viku. Men broytingar í skránni kunnu tó koma fyri, og tí er ein talgild skrá tøk á heimasíðuni hjá Vága kommunu – ovast á breddanum. Hon verður javnan dagførd um so er at broytingar í skránni koma fyri. Harumframt er eisini ein Facebook-síða og ein Iinstagram-síða, sum verða dagførdar við tiltøkum og myndum. Fylg hesum síðum, ella skránni á heimasíðuni hjá kommununi, so fært tú alt við.
Takk til tykkum, sum skipa fyri, fremja, hýsa og luttaka – uttan tykkum var hetta ikki møguligt.
Við ynski um ein Undurfagran mai!
Bjarni Prior,
borgarstjóri
Vinarliga broyt tínar kennifíla - og privatlívsstillingar fyri at síggja hetta innihald