Jóanis Albert Nielsen
Í løtuni eru fimm føroysk skip til fiskiskap í russiska partinum av Barentshavinum, og tær manningarnar vita í løtuni ikki um tær hava nakað arbeiði eftir ársskiftið.
Við teimum fimm skipunum eru umleið 240-250 mans knýttir at, og eru omanfyri 120 mans tí í Barentshavinum í løtuni. Manningarnar í Barentshavinum vilja gera sína ávirkan gjaldandi hvør verður valdur inn á Føroya Løgting.
Allar tær føroysku atkvøðurnar verða samlaðar umborð á Gadus. Í morgun blivu tær 24 atkvøðurnar hjá manningini á Akrabergi fluttar yvir á Gadus.
Tey føroysku skipini í Barentshavinum eru: Gadus - Sjúrðarberg - Akraberg - Enniberg - Arctic Viking.
Fimm skip, sum higartil í ár hava landað fyri 513 mió. kr. Somu fimm skip landaðu fyri 478 mió. kr. í 2021 og 481 mió. kr. í 2020.
Myndir: Tórik Ábraham Rouah
Vinarliga broyt tínar kennifíla - og privatlívsstillingar fyri at síggja hetta innihald