Jóanis Albert Nielsen
Havstovan: Umhvørvisstovan, Havstovan, Jarðfeingi, Tjóðsavnið, Landsverk, Hagstova Føroya og Veðurstova Føroya skipaðu fyri Veðurlagsdegnum 2024.
Føroyska veðurlagið er í broyting
Við støði í dátum og vitan, sum varð løgd fram ella umrødd á Veðurlagsdegnum, er greitt, at føroyska veðurlagið er í broyting.
Millum týdningarmestu niðurstøðurnar á Veðurlagsdegnum vóru:
- Miðalhitin í luftini um okkara leiðir er øktur 1 °C síðani 1873.
- Vatnskorpan við Føroyar er hækkað 10 cm seinastu 30 árini.
- Hitin niðri við botn í Bankarennuni er hækkaður 0,25 °C síðani 2001.
Millum annað hetta ber til at lesa um í samandráttinum.
Dagførd vitan kann geva neyvari metingar
Ætlanin er at skipa fyri nýggjum Veðurlagsdegi komandi ár, fyri at savna saman enn meira vitan. Langar tíðarrøðir eru av stórum týdningi fyri at útvega haldgóða vitan um veðurlagið og tær broytingar, sum eru farnar fram. Vit vóna, at Veðurlagsdagurin fer at vera ein støðug kelda til týðandi vitan um veðurlag okkara.
Samband og meira kunning
Hevur tú spurningar ella viðmerkingar, ert tú vælkomin at seta teg í samband við Umhvørvisstovuna á [email protected].
Her ber til at síggja samandráttin og allar framløgurnar, sum vórðu hildnar.
Vinarliga broyt tínar kennifíla - og privatlívsstillingar fyri at síggja hetta innihald