Nú er klárt at søkja um stuðul til umhvørvisverndartiltøk

Endamálið er, at menna vitanina um náttúru og umhvørvi, at fyribyrgja og avmarka dálking, skipa verju av djóra- og plantusløgum og landsløgum, umframt at kunna um náttúru- og umhvørvisviðurskifti og stuðla undir orkusparandi tiltøkum.

Játtanin hevur í fleiri ár verið so lítil, at hon burtur av hevur verið nýtt til tiltøk í sambandi við Ramsar-arbeiði. Landsstýriskvinnan, Ingilín D. Strøm, fegnast um, at tað hevur eydnast at hækka játtanina so mikið, at rúm eisini verður fyri at stuðla øðrum viðkomandi ætlanum.

Til ber hjá  einstaklingum, virkjum, feløgum og  kommunum at søkja um stuðul.

Umsóknir skulu skrivast á serligt umsóknarblað.

Sí: Umsóknarblað og reglugerð.

Freistin at søkja um stuðul er 12. mai 2023

Umsóknir skulu sendast til teldupost [email protected]