Miriam fer at standa á odda fyri samskiftismenning

Almannaverkið hevur sett Miriam Hentze Johannesen í starv sum deildarleiðari á nýggju deildini Samskiftismenning. Miriam er útbúgvin audiologopedur og fer fyrstu tíðina at byggja tænastuna á deildini upp.

Deildin fer undir nýtt og spennandi virksemi við tí endamáli at hjálpa borgarum við samskiftisavbjóðingum. Í næstum verður lýst eftir einum audiologopedi afturat, og so statt verða tveir audiologopedar á deildini.

Miriam verður ynskt til lukku við starvinum og vælkomin í Almannaverkið, tað skrivar Almannaverkið.