Meistararnir flúgvandi byrjan

Einki himpr var á FM-manningini hjá Sandavágs Talvfelag í fyrsta umfari í vetur. Móti uppflutta liðnum hjá Kollafjarðar Talvfelag gjørdu allir fýra vágamenninir sína skyldu og vunnu. 4-0 var ikki óvæntað úrslit. Dysturin var framskundaður til í gjár leygardagin, tí fleiri á vágaliðnum spæla eisini fótbólt í bestu deildini.

A-liðið hjá Havnini vann 3 - 1 á hinum 1. deildarliðnum hjá felagnum. Eitt ættarliðsskifti er helst í umbúna í Havnar Telvingarfelag. Carl Eli Samuelsen og Sjúrður Thorsteinsson eru farnir burturúr, og Helgi Dam Ziska og Martin Poulsen verða sum skilst ikki fastir menn í vetur heldur. Olaf Berg hevur einki telvað í eini trý ár.

Miðalaldurin hjá teimum trimum sigrandi á A-liði Havnar Telvingarfelags í dag var ógvuliga lágur. Luitjen, Elias og Petur - allir hoyvíkingar - eru ávikavist 20, 19 og 17 ára gamlir. 

Dysturin millum klaksvíksliðini í 1. deild er útsettur til týskvøldið 27. oktober.

Árant Djurhuus - Høgni Egilstoft Nielsen 0 - 1

Rógvi Mørkøre - Rógvi Egilstoft 0 - 1

Markus Jacobsen - Jón í Horni Nielsen 0 - 1

Alvin Joensen - Jón Atlason 0 - 1

Luitjen Akselsson Apol - Suni Merkistein 1 - 0

Elias Petersen - Flóvin M. Tummasarson 1 - 0

Herluf Hansen - Heiðrikur T. Jacobsen 0 - 1

Petur G. Magnussen - Margar Berg 1 - 0

Dysturin millum Klaksvík A. - Klaksvík B. er útsettur.

Tað gekk javnt á í øllum trimum dystum í 2. deild í dag.

Sandavágur, sum flutti úr bestu deildini í fjør, fekk dygga mótstøðu móti uppflutta liðnum úr Vestmanna. Jákup á Rógvu Andreasen og John Jacobsen høvdu ivaleyst kunnað styrkt vestmannaliðið, men kanska fara teir at leggjast aftrat hinum, sum kappingini líður.

Toftamenn, sum snávaðu í uppflytingarstríðnum farna kappingarár, fingu fína byrjan við góðum sigri á sterkum klaksvíksliði. Fleirfaldi føroyameistarin Jens Chr. Hansen - nú 65 ára gamal - var sigursharri í dystinum.

Og havnarliðini í næstbestu deildini tykjast jøvnsterk.

Andrias Danielsen - Rani Nolsøe ½ - ½

Bogi Ziska - Finnbjørn Vang ½ - ½

Jens Chr. Hansen - Einar Gregersen 1 - 0

Andreas Andreasen - Rógvi H.Olsen ½ - ½

Torkil Nielsen - Samson Højgaard 0 - 1

Bernhard Augustinussen - Hanus Ingi Hansen 1 - 0

Jónfinn Thomsen - Jón Mikkelsen ½ - ½

Hans Kári Hansen - Ingolf Debess 1 - 0

Jaspur Gaard - Sigurð B. Justinussen 0 - 1

Brestir Samuelsen - Jóannes Guttesen 1 - 0

Herbert Holm Johannesen - Poul Poulsen 1 - 0

Aleksander Klevang Eikholm - Óli Joensen 0 - 1

Styrkta manningin hjá Suðuroyar Talvfelag fekk ikki ta góðu byrjanina, ið vónir ivaleyst mundu vera um. Gøtumenn vóru teimum ov stinnir suðuri í Salti.

Púra óvæntað vunnu gøtumenn dystin á ovaru borðunum móti fyrrverandi føroyameistarunum Eyðuni Nolsøe og Carl Eli Samuelsen. Eyðun mátti dvína fyri Petur Pálli - sum er eldri enn Eyðun - og Carl Eli mátti sættast við remis móti Peturi Larsen, sum er útivið 400 ratingstig niðari.

Kollfirðingar løgdu fyri sum eitt óløgi og syrgdu fyri einasta stórsigrinum í deildini.

Sundalagsmenn og kongshavnarmenn (runavíkingar) vóru javnsterkir í dag.

Eyðun Nolsøe - Petur Páll Mikkelsen 0 - 1

Carl Eli Samuelsen - Petur Larsen ½ - ½

Fríði Stenberg Olsen - Jákup F. Joensen ½ - ½

Ingi Ellingsgaard - Sakaris M. Jacobsen 1 - 0

Brandur Højgaard - Martin Brekká ½ - ½

Meinhard Danielsen - Sámal Christiansen ½ - ½

Rúni Jacobsen - Fróði Zachariassen 0 - 1

Eyðun Lamhauge - Bjarni Jacobsen 1 - 0

Bernhard Thomsen - Hjalti Petersen 1 - 0

Ingi Højsted - Axel Poulsen ½ - ½

Virgar Fagraklett - Hans Dánjal Joensen 1 - 0

Signar Kristiansen - Suni í Horni Nielsen 1 - 0

Bogi á Kósini - Jóhannes Simonsen 1 - 0

Mannbjørn Anthoniussen - Ábraham Dalslíð ½ - ½

Magnus O. Gullaksen - Sonni O. Johnsson  ½ - ½

Marner Fríði Petersen - Hávarður Trúgvason 1 - 0

Holgar Johannesen - David Lútzen 1 - 0

Gutti Petersen - Mortan Mørkøre 0 - 1

Helgi Poulsen - Árni M. Dam 1 - 0

Sigvaldur Bláberg - Kristjan Madsen 1 - 0

Finn Larsen - Baldur B. Jørgensen 0 - 1

Ronny í Lon - Andrew Xin 0 - 1

Jóhan Sivertsen - Djóni Jakobsen ½ - ½

Andri Lenvig - Lisa Xin 1 - 0

2. umfar í landskappingini verður um tvær vikur - sunnudagin 1. november. Tá telva liðini í 5. deild eisini sínar fyrstu dystir. Kappingin hjá unglingum byrjar ætlandi í fyrstu viku í november.

Síðani verður telvað aftur 22. november og 29. november. Kappingin heldur so fram eftir nýggjár. Í alt eru tíggju umfør. Landskappingin millum feløgini endar 13. mars í 2027.