Løgmaður til Oslo á fund við norska forsætisráðharran

Á fundinum fara løgmaður og norski forsætisráðharrin m.a. viðgera, hvussu Føroyar og Norra kunnu styrkja um samstarvið, eitt nú á fiskivinnuøkinum. Somuleiðis fara teir at umrøða fiskiveiðusamstarvið, ið bæði Føroyar og Norra hava við Russland.

Fundurin verur mikudagin fyrrapart í Statsministerboligen, sum er almenni bústaðurin hjá norska forsætisráðharranum.

Jonas Gahr Støre tók við sum forsætisráðharri í oktober 2021, og er formaður í norska arbeiðaraflokkinum.