KVF skrivar: Borgarstjórin í Vestmanna leggur frá sær

Borgarstjórin í Vestmanna, Pauli Trond Petersen, leggur frá sær. 

Tað boðar kommunan frá í soljóðandi skrivi í dag:

"Vestmanna Kommuna váttar at Pauli Trond Petersen hevur sent skriv til Bygdarráðið við umbøn um at vera loystir úr starvi sum borgarstjóri. Bygdarráðið fer í næstum at viðgera skrivið frá Paula Trond Petersen."

Onki verður skrivað um orsøkina til, at borgarstjórin leggur frá sær.

Varaborgarstjóri í Vestmanna, er Bjørg á Rógvi, sum røkti borgarstjórastarvið, meðan Pauli Trond Petersen var í farloyvi herfyri.