Víkingur – HB fluttur til 1. apríl

FSF: Fyrr í vikuni vórðu fýra av fimm dystum í triðja umfari í MeistaraDeildini hjá monnum annaðhvørt framskundaðir ella útsettir orsaka av veðri.

Teirra millum var dysturin millum Víking og HB, sum bleiv útsettur til í annaðkvøld, mánakvøldið klokkan 18:30.

Men sambært forsøgnini verður veðrið í annaðkvøld lítið frægari, og tí er avgjørt at flyta dystin millum Víking og HB til mikudagin 1. apríl klokkan 19:00 í staðin.

Tað merkir samstundis, at lutakastið til steypakappingina hjá kvinnum og monnum eisini verður útsett. Nær tað verður, verður kunnað um seinni.