Sverri hevði eitt langt sleip

Klokkan 17:18 í gjár fekk MRCC støðin eina fráboðan um, at ein útróðrarbátur hevði fingið maskinbrek í ein útnyrðing úr Mykinesi.

Boð blivu send eftir bjargingarbátinum Sverra. Sverri loysti av Miðvági klokkan 17:30. Tað tók Sverra tveir tímar at sigla til bátin, sum tá var staddur 22. fjórðingar úr Mykinesi.

Sverri sleipaði útróðrarbátin á Sørvág, og komu har klokkan 01:40 í nátt.

Nakrir havhestabátar høvdu eisini brúk fyri sleipi í gjár. Tær uppgávurnar loystu aðrir bátar, sum vóru á havhestaveiðu og Brimil.