Flogvøllurin er stongdur í løtuni

Klokkan 12:17 fekk løgreglan eina fráboðan um stóran eld í sethúsum í Sørvági. Fyri at fáa tamarhald á eldinum bleiv sløkkiliðið á flogvøllinum eisini boðsent.

Tað hevur við sær, at eingi flogfør sleppa at lenda á flogvøllinum í Vágum.

Í løtuni flúgva tvey flogfør í holding, eitt hjá Atlantic Airways og eitt hjá Icelandair. FarCargo er eisini áveg.

Hvussu leingi flogvøllurin verður stongdur vita vit í løtuni ikki.

Dagført kl: 1426: Atlantic Airways og Icelandair hava nú sett seg. 

Mynd: Flightradar24.com

Mynd: Flightradar24.com