Stuttlig og kensluborin løta

Í rættuliga drúgva tíð hevur ungarin í Gøtu bíða eftir føroyska passinum. Tíðliga í ár kom passið umsíður, og fríggjakvøldið, tá Kroatia vitjaði á Tórsvølli, fekk Geza Dávid Turi sínar fyrstu minuttir á føroyska landsliðnum.

Geza og hinir í hópinum fyrireika seg nú til landsdystin móti Gibraltar, og áðrenn venjingina sunnukvøldið fekk FSF Varpið orðið á miðvallaran.

– Tað var stuttligt at sleppa á vøllin – eg var glaður og stoltur – og aftaná dystin fekk eg snapp frá mammu, sum græt, sigur Geza David Turi millum annað í samrøðuni.