Stjóri til Hilton Garden Inn Faroe Islands

Hevði tú kunnað hugsað tær at staðið á odda fyri framhaldandi menningini av nýggja, altjóða hotellinum Hilton Garden Inn Faroe Islands? Ert tú ein góður leiðari, hevur tú áræði, dirvi og gongur høgt upp í góðsku og eitt framúr gott tænastustig? So er tað tær, vit leita eftir.

Tað verður tín uppgáva

• -  At tryggja burðardyggan rakstur á hotellinum

• -  At fylgja Hilton-konseptinum og samstarva tætt við Hilton-samtakið

• -  At mynda hotellið úteftir

• -  At menna og kveikja starvsfólkini til at røkka ásettum málum

  Um teg

  Tú hevur viðkomandi leiðsluroyndir og møguliga royndir úr vinnuni. Tú ert árgrýtin, hevur dirvi og gongur høgt upp í góðsku og eitt framúr gott tænastustig. Sum persónur ert tú útvend/ur, fyrikomandi, samstarvssinnað/ur og sært týdningin av at vera ein góður vertur. Tú gongur odda á starvsfólkaøkinum, ert forvirkin og trívist við at hava nógvar bóltar í luftini samstundis.

  Vit kunnu bjóða

  Eitt fjølbroytt, avbjóðandi og sjálvstøðugt starv í tøttum samstarvi við starvsfólk á hotellinum og stóra og altjóða Hilton samtakið. Stjórin vísir til nevndina. Ein lyklaleiklut í at mynda eitt nýtt og framsøkið arbeiðspláss við nógvum ymiskum starvsbólkum. Eitt starv við spennandi, fakligum avbjóðingum.

  Setan

  Løn og setanartreytir eftir avtalu. Starvið verður sett skjótast gjørligt. Starvsstaðurin verður á hotellinum.

  Umsókn við lívsrensli (cv), avriti av prógvum og viðkomandi tilfari skal sendast við telduposti til [email protected] í seinasta lagi: 30. apríl 2022.

  Allar umsóknir verða viðgjørdar í trúnaði.

  Vilt tú hava meira at vita?

  Set teg so í samband við Niels Mortensen, nevndarformann, á telduposti [email protected] ella við Martin Restorff á tlf. 294000 ella á [email protected]

Um okkum:

Hilton Garden Inn Faroe Islands er fyrsta altjóða hotellið í Føroyum. Hotellið er eitt fýrastjørnað hotell, har dentur verður lagdur á góðar kundaupplivingar og framúr góða tænastu. Hotellið er partur av heimsumfevnandi og navnframu Hilton-ketuni, ið hevur 85 mió. fólk í sínum kundanetverki. Hotellið hevur 130 kømur, matstovu og góðar ráðstevnu- og fundarumstøður.