Óluva: Vit fara eftir tveimum sigrum

Fríggjadagin fer føroyska kvinnulandsliðið aftur á vøllin, tá Moldova kemur á vitjan, og týsdagin í komandi viku er tað so Gibraltar, ið verður mótstøðuliðið. Báðir dystirnar verða á Tórsvølli, og byrja klokkan 17:00.

Áðrenn venjingina, sum var á skránni á middegi mikudagin fekk FSF Varpið orðið á Óluvu Allansdóttir Joensen, ið er annar av landsliðsmálverjunum.

Óluva væntar tveir tættar dystir, men eingin ivi er um, at føroysku kvinnurnar avgjørt ætla sær og trúgva upp á, at tað er realistiskt at fara eftir tveimum sigrum.

Atgongumerki fáast til keyps í Nethandilinum á FSF.fo og á atgongumerki.fo. Kostnaðurin er 95 krónur fyri vaksin, meðan tað er ókeypis atgongd fyri børn og ung (0-16 ár).