Lærarastørv í Skúlanum á Giljanesi skúlaárið 2022-2023

Hesi lærarastørv eru leys at seta í Skúlanum á Giljanesi frá 1. august 2022 at rokna:

• Eitt tíðaravmarkað fulltíðarstarv vegna avlopstímar og niðursetta tíð skúlaárið 2022-2023
• Eitt tíðaravmarkað starv vegna avlopstímar (uml. 0,70) skúlaárið 2022-2023

Endaliga tímatalið verður ásett 1. septembur 2022

Søkt verður eftir lærarum, sum:

• Hava læraraútbúgving
• Undir ábyrgd leiðslunnar og í samstarvi við lærarar skúlans skulu undirvísa og taka lut í dagliga arbeiði skúlans
• Duga at samstarva og eru fyrikomandi
• Eru fúsir at taka á seg tær uppgávur og avbjóðingar, ið eru á skúlanum
• Eru við til áhaldandi at menna skúlan
• Eru stundisligir og nærlagdir
• Tola broytingar
• Hava góðar KT-førleikar

Okkum tørvar:

• Lærarar, sum kunnu undirvísa í: støddfrøði í innskúling og hádeild, alis- og evnafrøði, náttúru-og tøkni, donskum, ítrótti, svimjing, smíð og tónleiki
• Lærarar, sum vilja átaka sær flokslæraraleiklut
• Orðblindalærara

Lønar- og setanartreytir:

Størvini eru lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag.

Eftir 1. juni 2022 verður barnaváttan kravd.

Umsóknir:

Umsóknir, við avriti av prógvum, CV og møguligum viðmælum, skulu sendast sum PDF-fíla til [email protected] í seinasta lagi týsdagin 31. mai kl. 12.00.

Nærri fæst at vita um størvini hjá Annbritt Toftegaard á tlf. 794425.

Um skúlan:

Skúlin á Giljanesi húsast á tveimum støðum. 3. - 10. flokkur ganga á Giljanesi og 1. og 2. flokkur ganga í  Bygdaskúlanum í Miðvági. Uml. 290 næmingar ganga í skúlanum. 35 lærarar, námsfrøðingar og stuðlar starvast í skúlanum.