Fyrireikið tykkum til vánaligt veður í kvøld

Veðurstovan boðar frá, at vindurin fer at vaksa út á seinnapartin og gerst hvassur, og seint í kvøld er helst skrið ella stormur við nógvum regni. Í slíkum veðri kann alt, sum liggur leyst, fara á flog og elva til skaða — bæði á fólk og ognir.

Tí verður heitt á øll um at hyggja væl uttan um húsini, rudda burtur alt, sum kann fúka, og binda ella surra alt, sum liggur leyst, fyri at fyribyrgja, at nakað fer avstað og ger skaða.