Føroyski útróðrarflotin er gamal

Á myndini sæst, at einans 5 nýbygningar eru komnir í útróðrarflotan seinastu 20 árini.

Størsti parturin av flotanum er millum 31 og 40 ár.

Tað er krav til øll før, ið ætla at fáast við vinnuligan fiskiskap, at hava siglingarloyvi frá Sjóvinnustýrinum. Fyri at fáa siglingarloyvi krevst eitt sýn, sum tryggjar, at farið er í góðum standi samsvarandi krøvunum í Fráboðan F.

Men tað eru ikki øll vinnufør, ið verða sýnaði. Tá eitt frítíðarfar hevur fiskað fyri meira enn 200.000 kr., verður tað vinnuligt. Tá fara hesi ofta beinleiðis í bólk 5A uttan at biðja Sjóvinnustýrið um sýn. Hetta ger trygdina á sjónum verri, og vit síggja ofta, at bátar hava tørv á at verða sleipaðir til lands og annað.

Sjóvinnustýrið fer at seta fokus á økið og gera broytingar, soleiðis at trygdin í útróðrarflotanum verður betrað.