Eitt vet meira av toski

Havstovan: Toskurin er rakari enn síðstu árini, og magainnihaldið er ein blandingur av nebbasild og krabbadjórum.

Meginparturin av toskinum er fingin á gýtingarøkinum norðanfyri.

Nakað meir av smáfiski er fingið í ár í mun til síðstu árini, so sannlíkt er, at tey góðu náttúruviðurskiftini í 2022-23 nú byrja at síggjast aftur í tilgongdini til toskastovnin.

Um tú hevur hug at lesa meir um sambandið millum náttúruviðurskiftini og tilgongd til botnfiskastovnarnar, trýst her.

Nøgdin av hýsu er framvegis stór og hon er væl í holdum. Munandi partur av hýsuveiðuni er smáhýsa.

Nøgdin av upsa er undir miðal.

Sum í fjør vóru kalvaspraggur fingnar á túrinum, og hetta gevur ábendingar um tilgongd til kalvastovnin, sum hevur verið sera illa fyri í mong ár.