Tyrlan varð boðsend at fara eftir manni omanfyri Norðragøtu

Tveir mans, báðir úr Nýsælandi, fóru í morgun til gongu í fjøllini omanfyri Norðragøtu.

Um ellivutíðina fekk løgreglan boð frá hinum manninum um, at tann, sum hann var saman við, var dottin oman.

Tlibúgvingin varð sett í verk, og tá fólk komu á staðið, var omandotni maðurin uttan vit.

Tyrlan varð boðsend, og hon flutti skadda mannin á Landssjúkrahúsið fyri løtu síðani.

Meir veit løgreglan ikki at siga um hendingina í løtuni, tað skrivar KVF.fo