Sølufólk

Brennur tú fyri sølu og tænastu? Hevur tú viljan at skapa úrslit? Kundi tú hugsað tær at selt burðardygga matvøru til íbúgvar kring allan heimin? So er tað møguliga tær vit leita eftir! Vit sóknast eftir einum dugnaligum starvsfelaga til nýtt starv í søludeild okkara.

Starvið

Talan er um eitt spennandi og avbjóðandi starv í einum dynamiskum umhvørvi, har tú, saman við góðum og dugnaligum starvsfeløgum, fært til uppgávu at selja heimsins besta laks.
Søludeildin stendur fyri allari sølu í samtakinum, og uppgávurnar fevna breitt. Vit eru errin av okkara vøru, sum fevnir um frystan, feskan og royktan laks. Á deildini eru uppgávur í samband við logistikk, sølu, fakturering, ordrastýring og mangt annað. Á Søludeildini starvast fólk við staðseting í Føroyum, Skotlandi, USA og Onglandi.

Uppgávurnar eru fjølbroyttar og fevna breitt, men tú fert serliga at arbeiða við:

• Sølu til HORECA geiran í Evropa
• Arbeiða við nýggjum vørum
• Menna nýggjar marknaðir

Harumframt kemur ymiskt annað fyrifallandi søluarbeiði. Starvsstaður er á Glyvrum. Ávís ferðing kann væntast.

Tú kemur at vísa til sølustjóran.

Vangamynd

Vit ímynda okkum, at tú hevur viðkomandi fakliga bakgrund og sterkar persónligar eginleikar til søluarbeiði. Tú dugir væl at samskifta í skrift og í talu á føroyskum, skandinaviskum og enskum. Annar málførleiki kann vera ein fyrimunur.

Tað er týdningarmikið, at tú ert álitisvekjandi og megnar væl at halda persónlig sambond við kundan. Tú skalt trívast í einum gerandisdegi við høgari ferð. Til tíðir er arbeiðstrýstið stórt, og dagarnir kunnu vera langir.

Løn og setanartreytir

Løn og setanartreytir eru sambært avtalu.

Meira at vita

Vilt tú hava meira at vita um starvið, ert tú vælkomin til at seta teg í samband við Símun P. Jacobsen, sølustjóra, á tel 23 50 04, ella við t-brævi til [email protected].

Umsókn

Søk starvið við at trýsta á knøttin niðanfyri. Umsóknarfreistin er 7. november 2021. Allar umsóknir verða viðgjørdar í trúnaði.

Um Bakkafrost

Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (VAP) er á Glyvrum.

Alivirksemið hjá samtakinum er í Norðoyggjum, Eysturoy, Streymoy, Sandoy, Suðuroy og í Skotlandi. Harumframt hevur Bakkafrost biogassverkið F??RKA. Høvuðsskrivstova felagsins er á Glyvrum.