Smoltmennari til smoltstøðina á Norðtoftum

Sum smoltmennari hjá Bakkafrost fært tú eitt fjølbroytt og avbjóðandi starv á einum spennandi arbeiðsplássi í støðugari menning. Tú verður partur av eini fyritøku, ið hevur heimsins longstu virðisketu í laksavinnuni. Vit framleiða matvørur úr føroyskum laksi - tann sunnasti og besti, ið marknaðurin hevur at bjóða.

Arbeiðsøki

Sum smoltmennari ert tú partur av dagliga arbeiðinum á smoltstøðini á Norðtoftum, ið er millum størstu smoltstøðirnar í landinum. Stórar útbyggingar eru í gongd. Støðin er nútímansgjørd við nýggjum og størri eindum, betran av endurnýtsluskipanum av vatni. Smoltstøðin arbeiðir eftir strongum góðskuskipanum og ætlanin er at uppraðfesta hetta økið. Tú vísir til formannin á smoltstøðini og tú fert at samskifta nógv við lívfrøðingarnar á Smoltdeildini.

Tú fert at hava sjálvstøðuga ábyrgd á økinum og skalt tryggja neyðuga framgongd ígjøgnum gott samskifti við viðkomandi partar. Tú skalt tryggja, at

·smoltstøðin lýkur øll ásett krøv í mun til lóggávu og teimum altjóða góðkenningum, sum vit arbeiða eftir

·verandi mannagongdir á innaneftirlitsøkinum verða optimeraðar og mentar

·arbeiðsgongdir verða íverksettar

Tín vangamynd

Tú hevur viðkomandi útbúgving og ein brennandi áhuga fyri lívfrøði, ið er ein fortreyt fyri at eydnast væl í hesum starvinum. Viðkomandi útbúgving er lívfrøðingur, kemiverkfrøðingur, mikrobiologur, matverkfrøðingur, framleiðsluverkfrøðingur ella líknandi. Tað er ein fyrimunur, at tú hevur royndir frá arbeiði innan aling, góðskuarbeiði ella eftirlitsarbeiði,og tú mást hava hegni og dirvi at leiðbeina starvsfelagar innan økið.

Sum persónur ert tú væl skipað/ur og virkisfús/ur. Tú hevur góð samstarvsevnir og megnar bæði at arbeiða sjálvstøðugt og í toymum. Tú ert ábyrgdarfull/ur og hevur ein positivan hugburð til uppgávurnar. Eisini leggur tú stóran dent á gott samskifti innanhýsis og uttanhýsis. Tað er týdningarmikið, at tú kennir teg aftur í virðisgrundarlagnum hjá Bakkafrost, sum er at vera ábyrgdarfull/ur, vísa virðing og vera íðin, effektiv og framsøkin.

Vit bjóða

Tú verður partur av eini fyritøku, ið skapar virðir til føroyska samfelagið við at framleiða heimsins bestu matvøru úr lokalari rávøru. Vit gagnnýta allan fiskin og leggja stóran dent á burðardygd.Vit leggja dent á at hava eitt gott arbeiðsumhvørvi, og kunnu bjóða tær góðar starvsfólkatryggingar.

Løn og setanartreytir

Løn og setanartreytir eru sambært avtalu. Talan er um eitt fulltíðarstarv.

Meir at vita

Vilt tú hava meira at vita um starvið, ert tú vælkomin at seta teg í samband við Rúna Olsen, alileiðara, á tel. 23 51 25, teldupost [email protected] ella Steffan Kalsø, lívfrøðing, á tel. 23 56 90, teldupost [email protected]

Umsókn

Tú søkir starvið við at trýsta á ???Søk starvið??? niðanfyri.

Umsóknarfreist

Umsóknarfreistin er 14. november 2021

Allar umsóknir verða viðgjørdar í trúnaði.

Um Bakkafrost

Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (VAP) er á Glyvrum. Alivirksemið hjá samtakinum er í Norðoyggjum, Eysturoy, Streymoy, Sandoy og Suðuroy. Harumframt hevur Bakkafrost biogassverkið F??RKA. Høvuðsskrivstova felagsins er á Glyvrum.

www.bakkafrost.com