RUTH landar makrel í Karmøy mikumorgunin

 RUTH, sum hendan túrin hevur roynt eftir makreli, kemur til Karmøy tíðliga í morgin við umleið 1.400 tonsum, sum teir landa har.

Skiparin Hans Jacob Petersen segði við okkum fyrr í kvøld, at hetta er fyrsti makrel-túrur við hesum skipinum, síðan teir yvirtóku tað, áðrenn hava teir bara fiskað svartkjaft og sild.

Hann segði eisini, at øll tey donsku nótaskipini, sum eru farin til fiskiskap í ár, hava havt góðan fiskiskap, eisini segði hann at veðrið hevði verið sera gott, sum ikki er so vanligt í januar.