??friðarlig nátt í Havn

KVF: Í Tórsgøtu var hópbardagi við 15 monnum. Løgreglan var noydd at nýta piparsprey, fyri at fáa menninar at skiljast. Aðrir bardagar vóru eisini og einaferð í nátt varð løgreglan boðsend til eini privathús, tí pápi og sonur vóru farnir til hendurs. Avhoyringar fara fram í tí málinum í løtuni.

Tað vóru eisini fleiri, sum hildu tað vera skilagott at klintra upp á ymsar tekjur í býnum og sita har og lurta eftir tónleikinum. Seks mans vóru farnir upp á takið á Sirkus, tveir mans vóru uppi á tinghústakinum, og ein maður var farin so høgt upp sum upp á takið á Hotel Tórshavn. Fleiri hava eftir øllum at døma øtast við og lagt myndir á Facebook av manninum uppi á tekjuni. Maðurin á tekjuni á Hotel Tórshavn, tók eina sokallaða "selfie," áðrenn hann kom niður aftur.

Annars vóru nógv full fólk koyrd til hús og ambulansan mátti eisini eftir persóni, ið var dottin.