Myndir: Enniberg verður málaður í Miðvági

Flakatrolarin Enniberg, sum hevur verið til umvælingar hjá MEST á Skála, kom á Miðvág í kvøld, tí hann skal málast liðugur á Miðvági í morgin.

Alt umvælingararbeiði, uttan málingin, er liðugt, tað segði stjórin á MEST - Mouritz Mohr - við okkum á JN.fo fyri løtu síðan.

Á Skála er ivaveður, tá ið hugsast skal um máling, tí er avgerð tikin í dag um, at fara vestur á Miðvág, fyri at fáa skipið málað liðugt í morgin.

Tá ið skipið er liðugt mála, verður farið á Havnina at gera klárt at fara nýggjan túr í Barentshavið.

Enniberg hevur ikki áður verið á Miðvági, vit kliktu tí nógvar myndir av vakra skipinum.