KÍF vann stórsigur á Neistanum

??tsetti dysturin millum Neistan og KÍF í AA-deildini, sum skuldi leikast leygardagin, varð leiktur í Høllini á Hálsi í kvøld.

KÍF-mennirnir vóru betri tendraðir enn neistamennirnir, KÍF førdi eisini allan dystin, tá ið farið var til hálvleik, vísti máltalvan 12-18 til KÍF.

Í seinna hálvleiki byrjaði Neistin væl, teir komu uppá 14-18, men soleiðis vildi KÍF ikki, teir tóku dik á seg aftur og spældu sigurin trygt inn, KÍF vann 23-30 og sigurin kundi væl verið størri, um teir vóru neyvari í skotroyndum sínum.

KÍF-liðið er merkt av fleiri skaðum - Hans Eli Sigurðbjørnson og Andrias Nielsen eru báðir skaddir - tað sást eisini á útskiftingini - eingin útskifting í fyrra hálvleiki og heilir 35 min. skuldu leikast áðrenn fyrsta útskifting varð gjørd, tá kom Jákup Trygvason inn, Jákup hevur annars leikt væl higartil í ár - Besti málskjútti hjá KÍF var Magnus Muller, hann fekk 11 mál.

Sigast má, at Áki Mørk hevur fingið Neistan at rigga væl, tað er eitt ungt lið, við fleiri góðum leikarum. Sjúrður Thomassen, sum hevurr verið langtíðarskaddur vegna armbrot, hevur í ár leikt nakrar dystir fyri Neistan, Sjúrður hevur tá gjørt rættuliga um seg, men í dag eydnaðust skotroyndirnar ikki væl, Sjúrður beklaði fótin í seinna hálvleiki og mátti tí út. Fyri Neistan gjørdi Juguslav Djumic 7 mál í kvøld.

Neistin: Mikkjal Hansen, Bjørn Mohr, John í Innistovu 3, Teitur Magnusson 3, Jón Ludvig, Rói Hansen 1, Sjúrður Thomassen 3, Kristian Dulavík, Herbjørn Lava 3, Juguslav Djumic 7, Torstein Balle 1, Alex Buha 2, Hjalti í Jákupsstovu, Blagoji Buha og Terji Mørk.

KÍF: Emil Dam, Jaspur Joensen, Pætur H. Skýlindal, Magnus Muller 11, Fríði Weyhe, Tony Weyhe 4, Teitur Joensen, Hans Eli Sigurbjørnson, Nicklas Selvig 9, Rógvi Weyhe 3, Rúni Joensen 3, Jákup Trygvason og Vilhelm Magnussen.

5. min. 2-4

10. min. 5-6

15. min. 7-11

20. min. 9-12

25. min. 10-15

30. min. 12-18

35. min. 14-19

40. min. 15-20

45. min. 17-22

50. min. 19-25

55. min. 20-27

60. min. 23-30

Dómarar: Eyðun Samuelsen og Heri Petersen.