KÍF vann oddauppgerðina

Eftir sigurin á VÍF í kvøld liggur KÍF nú einsamalt fremst í Atlantic Airways-deildini við 12 stigum, VÍF hevur framvegis 10 stig og liggur nr. 2.

KÍF vann dystin 26-31 eftir støðuna 15-16 í hálvleikinum.

Í fyrra hálvleiki fylgdust liðini væl og skiftust um at liggja omaná, KÍF kundi fara til hálvleik, við einum máli frammanfyri - støðan 15-16 til KÍF.

Í seinna hálvleiki sást beinanvegin at KÍF ætlaði at vinna, teir løgdu hart út og komu uppá 20-15, tað leiðsluna hildu teir allan seinna hálvleik.

Sámal Joensen og Julian Olsen vóru bestu leikararnir hjá VÍF, teir gjørdu ávikavíst 9 og 6 mál, Julian fekk flestu síni á vinstra vongi og Samál mitt fyri.

Hjá KÍF hevði Nicklas Selvik ein góðan dag hann fekk 9 mál, men annars kann sigast at verjan hjá KÍF stóð mannuliga og serliga í seinna hálvleiki, tað sást at verjan var væl samanspæld.

Petur Mttún segði í sínari meting áðrenn dystin: "KÍF hevur royndasta og best samanspælda hópin í deildini. Botnstøðið er sera høgt og tí skal nógv leggjast fyri um VÍF ætlar sær at vinna. Spælið hjá KÍF hongur í minni mun á herðunum á einstøkum leikara. Verjan er kontant og kontraspælið í serflokki."

VÍF: Eli Múller, Sámal Joensen 9 málog eina útvísing, Áki Egilsnes 1 mál og eina útvísing, BjartiDjurhuus 1 mál, Agnar Joensen 2 mál og eina útvísing, AndriasEriksen, Niklas Simonsen, Tóki Seloy, Julian Olsen 6 mál, FilipJojic 3 mál og tríggjar útvísingar, SjúrðurNielsen 1 mál, Sámal J. Djurhuus 2 mál og Áki G. Olsen 1 mál ogeina útvísing.

KÍF: Emil Dam,Jaspur Joensen, Pætur H. Skýlindal, Andrias Nielsen 2 mál og tværútvísingar, Magnus Múller 3 mál, Rasmus Junker 2 mál, Tony Weyhe3 mál, Teitur Joensen, Fríði Weyhe, Hans Eli Sigurðbjørnsson 6mál, Nicklas Selvig 9 mál og eina útvísing, Rógvi Weyhe 4 mál,Rùni Joensen 2 mál og eina útvísing og Jákup Trygvason.

Støður:

5. min. 3-3

10. min. 6-6

15. min. 9-9

20. min. 11-12

25. min. 12-13

30. min. 15-16

35. min. 15-19

40. min. 16-21

45. min. 19-25

50. min. 21-28

55. min. 24-29

60. min. 26-31

Dómarar: EyðunSamuelsen og Heri Petersen

Áskoðarar: 385