Jól í Amtmansgarðinum

Leygardagin 15. desember kl. 15.45 verður stórt barnatiltak í jólaprýdda Amtmansgarðinum.

Umframt at garðurin er vakurt prýddur og Ríkisumboðið bjóðar kakao og holukøkur, so koma jólamaðurin Julius og gyklarin Rógvi á vitjan, og tað kann bara verða stuttligt!

Julius hevur fylt sær posan við karamellum og Rógvi hevur lært seg nøkur nýggj triks. Eisini kemur ungdómskórið Cantus at framføra í hugnaliga umhvørvinum.

Alt hetta í Amtmansgarðinum, stutt eftir at Julius er komin til Havnar við Jólaskipinum.

Tiltakið er ókeypis og øll eru hjartaliga vælkomin!