Føroyar vann Small Nations talvkappingina

 Aftur í dag vunnu føroysku telvararnir 4-0 í Small Nations talvkappingini - í dag var tað San Marino, sum mátti leggja rygg til eitt 4-0 tap mótu sterku telvarunum úr Føroyum - føroysku telvararnir í dag vóru Helgi Dam Ziska, John Rødgaard, Olaf Berg og Høgni Egilstoft Nielsen.

Seinasta umfar verður telvað í morgin sunnudagin, men tað er longu greitt, at føroyska talvlandsliðið hevur vunnið kappingina. Dysturin sunnudagin verður ímóti Andorra, Føroyar hava 28 stig og Andorra er á 2. plássi við 23 stigum. Dysturin móti Andorra byrjar kl. 13.