Fagraberg er á veg inn

Fagraberg, sum hevur verið á svartkjafta veiðu í føroyskum sjógvi, kemur á Fuglafjørð tíðliga í nátt.

Fagraberg hevur henda túrin fingið 2800 tons, og hava teir roynt í eina viku sunnast í føroyskum sjógvi. Fagraberg skal landa til Havsbrún í Fuglafirði.

Í løtuni er tað bert Næraberg av teimum føroysku skipunum, sum er til fiskiskap sunnast í føroyskum sjógvi. Afturat Næraberg royna eisini fýra russarar har.