Áheitan á bilførarar

Vit eru farin inn í jólamánaðin og tann myrka tíðin er í hæddini.

Dagliga kemur ein framvið handlum og aðrastaðni á vegnum, har bilar standa við fullum ljósum og motorurin er í gongd.

Eg vil ikki blanda meg í um fólk velja at lata bilin standa í tómgongd, í meðan ein líka rennur inn eitt stutt tíðarbil.

Men vælsignaði tit sum koyra bil, seti niður á støðuljós/parkeringsljós, tá tit parkera stutttíðar.

Tað kann bjarga mannalívum.

Tað tekur eitt splitsekund at seta niður á støðuljós.

Myndin er tikin uttanfyri FK í Sandavági fyri døgum síðan, har stóðu ikki færri enn tveir bilar parkerðaðir við fullum ljósum, tá ein kom framvið.

Ein stúrin borgari