Aftur ein maður omandottin í morgun

 Kl. 11.08 í morgun fekk MRCC umvegis politistøðina fráboðan um at ein maður var omandottin nærhendis Syðrugøtu. 

Bjargingartyrlan hjá Atlantsflog varð boðsend og flutti mannin á landssjúkrahúsið - tíbetur var skaðin, sum maðurin fekk, ikki stórur.

Í gjár var ein persónur óheppin á fjøllunum nærhendis Viðareiði, persónurin breit beinið. Tað var so tjúkt í mjørka norðanfyri, at ikki var hugsan um, at tyrlan kundi flúgva har norðuri - Bjargingarfelagið varð tí boðsent og fekk persónin oman úr fjøllinum í øllum góðum og síðan á sjúkrahús.