Arbeiðsloysið eitt prosent í januar

Ein fulltíðararbeiðsleysur er ein persónur, sum er arbeiðsleysur allan mánaðin. Tað merkir, at eru tveir persónar raktir av arbeiðsloysi ein hálvan mánað hvør, telja báðir samanlagt sum ein fulltíðararbeiðsleysur henda mánaðin. Í januar vóru 379 persónar raktir av arbeiðsloysi. Tað er 51 fleiri enn januar í fjør. 

Arbeiðsloysið hægri hjá monnum enn kvinnum

Í januar vóru 187 fulltíðararbeiðsleysir menn. Tað svarar til 1,2 prosent. Hetta er ein 0,3 prosentstig hægri samanborið við sama mánað í fjør. Millum kvinnurnar var arbeiðsloysið 0,9 prosent. Tað er 0,1 prosentstig lægri enn í fjør. Munurin millum kynini er seinastu tíðina vaksin eitt vet. 

Lægst í Norðoyggjum og Vágum

Landkortið vísir arbeiðsloysið eftir øki. Í januar var arbeiðsloysið lægst í Norðoyggjum við 0,6 prosentum og í Vágum við 0,7 prosentum.  Í Suðuroynni var arbeiðsloysið hægst við 1,5 prosentum og í Norðurstreymoy við 1,4 prosentum.