Heini Hanusarson skal venja Team Klaksvík tað ið eftir er av kappingini

Í gjárkvøldið skrivaðu Team Klaksvík og Heini Hanusarson undir eina avtalu, sum inniber, at Heini skal venja besta liðið hjá Team Klaksvík, tað ið eftir er av kappingini.

Heini hevur lisið ítrótt 2 ár á universitetinum í Odense, hevur diplom venjaraútbúgving frá DHF, leiðsluútbúgving, umframt drúgvar royndir sum hondbóltsleikari í Føroyum og í donsku liguni. Hjá undanfarnu liðum Neistanum og VÍF hevur hann staðið fyri fysisku venjingini, og er hetta fyrstuferð at hann kemur at royna seg sum A venjari.