Føroysku skipini eru nú farin á sildaveiðu

Um vikuskiftið eru fleiri føroyskt skip farin á sildaveiðu í íslendskum sjógvi, og fleiri eru eisini ávegis á sildaveiðu.

Gøtunes og Finnur Fríði vóru annars í íslendskum sjógvi í síðstu viku, men tá fingu skipini einki.

Í løtuni eru Finnur Fríði, Tróndur í Gøtu, Katrin Jóhanna, Jupiter og Gamli Jupiter á feltinum. Tað sær út til at Fagraberg er á veg heim av feltinum.

Norðborg, Christian í Grótinum, Vestmenningur og Gøtunes hava øll sett kós ímóti íslendskum sjógvi.