Vinna

At gera tað sama umaftur og umaftur, og væntað eitt annað úrslit, er ørskapur

Mikudagin í síðstu viku setti eg ein munnligan fyrispurning til Løgmann um okkara útlit til at kunna luttaka til OL. Svarið var, at mann bíðaði eftir einari niðurstøðu frá ÍSF..

Mynd: Sverri Egholm / portal.fo

Mynd: Sverri Egholm / portal.fo

2026-11-20 12:30 Author image
Jóanis Nielsen
placeholder

Og nú fingu vit tað so aftur staðfest við tveimum strikum undir: Føroyar sleppur ikki atluttaka til OL, punktum.


Hetta hava tey flestu av okkum vitað í langa tíð. Tað nýggja er kanska, at nú hevur ÍSF eisini givið skarvin yvir, og kastað bóltin aftur til politikararnar.


Tað margháttliga við støðuni er, at teir flestu politikararnir í Føroyum langt síðani
hava hugt hvønn annan í eyguni og sagt, at vit skulu fara eftir ta eyðsýndu loysnina, sum loysir trupulleikarnar í einum

6 av 7 flokkum hava langt síðani givið løgmanni - fyrst Aksel V. Johannesen og nú Beinir Johannesen - heimild til at fara eftir loysnina sum ger, at Føroyar lúka formligutreytirnar hjá IOC. Beinir Johannesen hevur fingið heimild til at fara til samráðingarvið Danmark um at Føroyar skulu verða ein sjálvstøðug tjóð, við fullum stuðli fráøllum flokkum uttan ein.


Loysnin er kend, og heimildin hjá løgmanni er uppá pláss. Spurningurin er, um
løgmaður fer at brúka sín stuðul frá øllum flokkunum í Føroyum uttan ein til at velja eyðsýndu loysnina, ella um hann fer í holtur við okkurt annað, ið ikki fer at berokkum á mál.


Bjarni Kárason Petersen
Løgtingslimur

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder