Yvirlit yvir nær jólatrøini verða tendrað í Tórshavnar kommunu

Komandi vikuskifti verður skipað fyri 11 jólahaldum í kommununi, tá ið jólatrøini verða tendrað. Her er yvirlit yvir nær og hvar, hvør fer at spæla, og hvørji halda røður.

Í Kirkjubø verður jólatræið tendrað við kirkjuna sunnudagin 6. desember kl.12:15 eftir guðstænastuna. Havnar Hornorkestur spælir. Marin Katrina Frýdal, býráðslimur, og Heri Joensen, prestur, bera fram røður.

Í Kaldbak verður jólatræið tendrað við skúlan leygardagin 5. desember kl.15:30. GHM spælir. Marin Katrina Frýdal, býráðslimur, og Maria Jørðdal Niclasen, prestur, bera fram røður.

Á Velbastað verður jólatræið tendrað við skúlan leygardagin 5. desember kl.16:00. Havnar Hornorkestur spælir. Annfinn Brekstein, býráðslimur, og Ann Dahl Hansen, prestur, bera fram røður.

Á Argjum verður jólatræið tendrað við brúnna um Sandá leygardagin 5. desember kl.17:00. GHM spælir. Jógvan Arge, varaborgarstjóri, og Ann Dahl Hansen, prestur, bera fram røður.

Á Hvítanesi verður jólatræið tendrað leygardagin 5. desember kl.18:00. Havnar Hornorkestur spælir. Jákup Dam, býráðslimur, og Theodor E. D. Olsen, prestur, bera fram røður.

Í Norðradali verður jólatræið tendrað við skúlan sunnudagin 6. desember kl.18:00. Tónleikalærarar spæla. Annfinn Reinert og Sverri Steinhólm, prestur, bera fram røður.

Í Nólsoy verður jólatræið tendrað sunnudagin 6. desember kl.17:00. Ternan fer av Havnini kl.16:20 og úr Nólsoy kl.19:25. Havnar Hornorkestur spælir. Jógvan Thomsen ber fram røðu. 

Í Hoyvík verður jólatræið tendrað sunnudagin 6. desember kl.17:30. GHM spælir. Tróndur Sigurðsson, býráðslimur, og Theodor E. D. Olsen, prestur, bera fram røður.

Í Kollafirði verður jólatræið tendrað við skúlan sunnudagin 6. desember kl.15:00. Búgvi Jóhannesen og Bára Silvansdóttir spæla. Helena Dam á Neystabø, býráðslimur, og Maria Jørðdal Niclasen, prestur, bera fram røður.

Í Hesti verður jólatræið tendrað sunnudagin 6. desember kl.15:30. Teistin fer av Gomlurætt kl.14:30 og úr Hesti kl.18:25. Frelsunarherurin spælir. Palli Petersen hjá Frelsunarherinum ber fram røðu. 

Í Syðradali verður jólatræið tendrað 14. desember kl.18:00. Tónleikalærarar spæla. Heðin Mortensen, Borgarstjóri, og Heri Joensen, prestur, bera fram røðu.