Tyrlan var eftir einum manni í Vatnsdali

Beint fyri klokkan tvey seinnapartin í dag fekk MRCC støðin í Havn eina fráboðan um, at ein maður hevði fingið ilt í knæið í Vatnsdali í Suðuroynni. Maðurin var farin ein túr í hagan saman við trimum øðrum monnum. 

Boð blivu send eftir bjargingartyrluni hjá Atlantic Airways, sum var á staðnum góðan hálvan tíma eftir at fráboðanin kom. Tyrlan fekk tikið mannin umborð á tyrluni og setti mennirnar av í Hvalba.