Tvey handtikin fyri innbrot á Teldutænastuni

Løgreglan hevur handtikið tveir persónar í samband við innbrotið á Teldutænastuna í Havn gjáranáttina.

Løgreglan fekk upplýsingar frá fleiri borgarum, og tað hevði við sær, at løgreglan í dag handtók tveir persónar.

Annar persónurin hevur verið til avhoyringar, og hevur játtað seg sekan. Hin persónurin skal eisini avhoyrast í dag, tað skrivar kvf.fo.

 Kl. 17.00.

MÁLIÐ UPPKLÁRAÐ

Við góðari hjálp frá borgarum, handtók politiið í nátt 2 persónar, sum høvdu framt innbrotið í Teldutænastuna fríggjanáttina.

Persónarnir vórðu handtiknir á bústaðnum hjá tí eina, og undir húsarannsóknini aftaná fann politiið flestu lutirnar frá innbrotinum. Báðir persónarnir hava játtað seg sekar í skuldsetingini. Tað er ikki endaliga uppgjørt, hvat virðið á stolnu lutunum er.